Asnjë viktimë dhe 14 raste të reja me Covid-19 në Shqipëri

18:20 | 2 Qershor 2021
Arbresh.info

Ministria e Shëndetësisë: 3,057 testime dhe 48 të shëruar

Situata e Covid në Shqipëri sa vjen e përmirësohet. Në 24 orët e fundit nuk është regjistruar sërish asnjë viktimë, njësoj si një ditë më parë. Ndërkohë pas 3,057 testimeve të kryera kanë rezultuar pozitivë 14 qytetarë.

Rastet pozitive të konfirmuara janë identifikuar në këto bashki: 5 raste në Tiranë, nga 2 raste në Shkodër, Devoll, nga 1 rast Kavajë, Mat, Gjirokastër, Kamëz, Skrapar.

Edhe në spitale situata po përmirësohet, pasi aktualisht po trajtohen 35 pacientë, nga të cilët 7 pacientë janë në terapi intensive dhe prej ditësh nuk ka asnjë të intubuar.

Në 24 orët e fundit janë shëruar 48 qytetarë, duke e çuar numrin e të shëruarve në 129,521 që nga fillimi i epidemisë. Aktualisht në të gjithë vendin janë 379 qytetarë pozitivë me Covid që po trajtohen dhe në banesa./tvklan.al/

Shpërndaje në rrjete sociale

Lajmet më të lexuara

Të ngjashme

Foto lajm